原本應該等小花今年生日正日才去迪士尼慶祝，但是今個暑假卻推出史迪仔活動，那小花唯有提前活動安排．．．如果要plan 一個行程，當然做足準備功課，睇下出面有無travel agency book房會平d，最後朋友send左條link俾小花，發現出面買套票會平d．其實對小花來講，錢唔是一個大問題，基本上幾多錢小花都會去．小花訂了套票後，就叫男友去travel agency那邊攞ticket（有兩張迪士尼門票＋兩套餐飲券＋兩日一夜好萊塢酒店＋兩位自助早餐）．因為小花星期六要返半日的關係，他在青衣城等小花食完lunch，才開始踏進奇妙夢幻的旅程．小花當日戴了草帽，還要被同事取笑．唓，不知幾有夏威夷feel呀！還是那一句，小花每次到迪士尼的心情仍然是那麼的興奮，看來小花依然是個長不大的孩子．男友是第一次去迪士尼，他是男人當然無咩特別感覺．小花一到迪士尼站開始，一路傻笑一路彈吓彈吓咁行路，男友有氣無氣說了句：大鑊，揾左個大唔透的女友返嚟！Hey，hey，hey！你應該慶幸你女友雖然已經24歲，工作了六年，但是仍然可以keep住有童真呢，你估真是個個都得ga！我們先去搭shuttle bus去好萊塢酒店check in，車程大約10分鐘．它由迪士尼站途經迪士尼酒店再到好萊塢酒店．好後悔呀，點解當初唔book迪士尼酒店呀，靚好多，好似成個堡壘咁呢，相比下來好萊塢酒店就平實一點．一去到已經覺得唔對路，點解會咁多人ga，單是排隊check in都spend了起碼半個鐘．我們check in的時候發現agency俾多左我們兩張ticket，咁即是可以去多次迪士尼，yeah！看看ticket上的有限日期去到十二月頭，看來等無咁熱的時候會再去一次．上到房已經四點左右．可是一見到咁大張床，小花慣性一野撻落張床度碌嚟碌去，hehe！撻左落張床度，又點會捨得起身落去曬呀．休息左一個鐘，見成五點鐘，就出發到迪士尼．話雖是黃昏五點鐘，但是還是會汗流浹背，小花都還好一點，因為向來唔多出汗的，可是男友不消一會兒已經汗如泉湧．第一件事，見到史迪仔在門口的公園排隊影相，小花嘭一聲就衝了過去．小花其實是想熊抱史迪仔合照的，可是又好似好狼咁，最後都只是挽了他隻手就算了．入到美國小鎮大街，剛剛是史迪仔玩轉夏日巡遊，背景音樂節奏輕快，史迪仔在巡遊車上不停帶動群眾起舞，老實說小花只要一聽到節奏輕快的音樂都會郁身郁勢，所以小花都有咁樣做，但是小花再向後望一望，男友站在原地看著小花不動，真是唔投入呀！接住我們去了玩winnie the pooh，只是需要排半個鐘，時間好短呢，雖然小花去了迪士尼三次，但是一次都無玩過winnie the pooh，因為它的等候時間太長啦，所以每一次小花都會捨棄它，今次終於玩到了．玩完之後，見仍未夠鐘睇煙花，又衝左過去玩巴斯光年，小花是咁射，分數比男友高好多，之後encore多一次，今次男友大發神威，比他高分過小花tim．見隔離的space mountain無人排隊，即刻跑過去玩，嗰個衝嚟衝去的感覺太好了，原本玩完後想再玩多一次，可是它竟然close，算了吧，明天還可以再去玩過（因為入住迪士尼的酒店可以玩兩日）．行過幸會史迪仔，它還有英文版玩，見無所事事就行入去了，英文版無咁抵死囉，揾一次真是要真正玩下廣東話版先（無錯，小花去了三次迪士尼，但無一次玩到廣東話版）．出到去，天色已昏暗，徐徐聽到有小花最愛的迪士尼音樂，原來煙花已經開始了，我們竟然miss左，不過我們還有明天的機會．我們睇了後半部煙花，在行出去搭shuttle bus的途中，我們在美國小鎮大街見到有bakery，小花點了一個apple pie，而他就點了一個酥餅，這個可能就是我們的宵夜．還有我們順便的去了photo shop睇返d相，不過影得唔是幾好，所以都無買到．我們最後去了迪士尼酒店食dinner，酒店外圍望已經好靚，原來裡面仲靚，小花最欣賞的是它在大堂上房間的lift，因為它好古典feel．我們在地下的餐廳食晚飯，我們要求坐在餐廳內，入面好有那種外國舊式餐廳的感覺，有大大張的沙發，主色為啡色、深綠色，給人一種好grand的感覺．小花點了一個白汁海鮮長通粉，男友則點了咖哩雞薄餅，那當然小花那一個好食過男友那個雪藏雞啦！飯後我們去了出面的花園散步，一出去就見到一個小迷宮，其實小花都想走入去玩下，不過算了吧，怕迷路走不出來．男友拖著小花再向前走，有一個碼頭仔，整個感覺好像去了外國的堡壘一樣，真是好正，看來小花都是有點公主病．行了一段時間，我們就回到酒店內，見到有souvenir shop，我們就入去看一看，沒有什麼特別又走返出嚟．我們原本諗住搭shuttle bus，誰知一行出去就送車尾啦，因為那個時候已經十一點了，shuttle bus的班次會好疏，反正路程都不是太遠，小花提議行返去好萊塢酒店．因為周邊都是樹的緣故，其實個感覺都幾恐怖．回到酒店第一件事是沖涼，因為成身汗，即刻沖個涼，舒服晒！之後小花即刻撻落張床睇電視，等男友沖完涼，我們傾了陣計就訓覺啦！這個嘛，是小花兩年多來睡得最好的一晚，很久沒有感受過那種安全感，可能因為他攬著小花睡的緣故吧！不過小花卻不停俾他吵醒，因為他睡不慣其他的床，所以他不停轉身，讓小花都弄醒啦！那個時候是凌晨三點多，見無事做，又醒了，就起來食apple pie．他差不多要到早上五點多才睡著，小花終於都有覺好訓啦！
[3] Re: SINYEE
[4] Re: 屎力仔
[5] Re: SINYEE
